Guhtta Sámi kulturásahusa ovddasteaddjit leat ovttaoaivilis ahte lea stuorra dárbu ásahit Viermie K. Fierpmádaga ulbmil lea hukset oktasaš ja fámolaš doaimma mii sáhttá doaibmat, riikka, regionála ja báikkálaš dásis sámi kultureallima várás – ja ahte čuovvovaš jurddabohtosat mat gusket sámi kultuvrii galget leat fierpmádaga boahttevaš barggu vuođđun:
Fierpmádat áigu:
- ovttasbargat Sámedikkiin Sámi kulturpolitihkka guoskevaš áššiiguin.
- ovddidit ipmárdusa ja bargat dan ovdii ahte olles sámi kulturinfrastruktuvra nannejuvvo regionála ja riikka dásis.
- leahkit ságastallanguoibmi sihke Sámi ja Ruoŧa kulturmáilbmái.
Fierpmádat oaidná earenoamáš dárbbu nannet, hukset ja/dehe searvat dáidda bargguide:
- ollislaš doarjjaortnega visot kulturinfrastruktuvrra osiide. Doarjaga buvttadeapmái, báikkiide, lágideaddjiide, ovttaskas dáiddáriidda, čoahkkananbáikkiide jnv.
- hukset bistevaš, nanu, sámi kulturásahusaid.
- leahkit aktiivvalaš oassi áššáigullevaš kulturpolitihkalaš ságastallamis ja leahkit resursan/áššedovdin dan oktavuođas.
- ipmárdusa ahte sámi kulturdoaimmat dárbbašit sápmelaččaid jođiheami ja ahte sámi doarjjaortnegat galget árvvoštallojuvvot sámi áššedovdiin.
Olahan dihte daid de fertejit sámi kulturnávccat lassánit hirbmadit. Norgga ja Ruoŧa riikadoarjagiid gaskkas lea hui stuora erohus. Dás dárbbašuvvo ovttaveardásašvuohta vuođđoeaktun vai sámi kultuvra ruoŧabealde sáhttá ovdánit.
Viermie K lea ásahuvvon guokte bargočoahkkima áiggis Staares ja fierpmádaga vuosttas jagis boahtit earret eará gieđahallat miellahttuvuođaášši vai sáhttit bovdet eará Sámi kulturásahusaid fierpmádahkii.
3:át Sámi kulturpolitihkalaš njunuščoahkkin
Viermie-K bovde Sámi ja davviriikkalaš kulturolbmuid, riikkaidgaskasaš ja álgoálbmot áššedovdiid, Sámi kulturorganisašuvnnaid ja dáiddáriid, eiseválddiid, politihkkáriid, virgeolbmuid, dutkiid ja ámmátolbmuid ja olbmuid geain lea beroštupmi Sámi … Läs mer about 3:át Sámi kulturpolitihkalaš njunuščoahkkin
