Bullá – muv buoremus boatsoj

Dál lea Bullá máhccan váris! Boađe minguin lávlut ja dánsut ja gullat áhči fearánastime.

Bullá – Mu buoremus boazu / Mov bööremes bovtse / Min bästa ren čájehuvvui 2015 giđa ja čájálmasmátki lei dievaslaččat várrejuvvon ja lei máŋgga giellahámis. 2016 čavčča čájehuvvo dát fas, ođđa neavttáriiguin ja lávdegiella lea julevsámegiella mas leat oasit maiddái davvisámegillii.
Dát lea duohta fearán Nils-Juhána, hearggi Bullá, beatnaga Jojo ja sin dehálaš ustitvuođa birra mii lea nannojuvvon go sis lea juohke ovttas ráhkisvuohta boazomeahci eallimii. Geahččin, leaččat dál mánná vai rávisolmmoš, beasat vásihit muitalusa go leat ieš mielde lávlume, dánsume ja stoahkame lávdelanjas, mii iešguđet vugiiguin vuoseha birrasiid ja dilálašvuođaid olbmážagaid eallimis. Čájálmas lea friddja ráhkaduvvon mánáidgirjji Sagan om Buolla vuođul, maid Anne Pavval, Johkamohkis eret, lea čállán.

”Mánáid mielas lei čájálmas hui buorre. Dat leat maŋŋel ságastallan olu dan jallas bohcco birra ja beatnaga birra. Dat liikojedje hirbmat bures go nu olu besse leahkit mielde.”

“Buorre! Somá! Buoremus!”

“Hei! Min mielas ráhkkananklássas lei čájálmas áibbas buorre! Dat lei somá, mánát besse leahkit mielde ja ožžo veahá oaidnit sámi eallimis! Nana buorre, oahpaheddjiid ja ohppiid mielas.” Vazáš skuvla.

“Mii háliidit fas vásihit dákkár teáhtera!”

“Min mielas lei olles čájálmas jalla buorre, visot lei buorre. Dii barggaidet nu issoras bures. Dii geasuheiddet buohkaid, lávlumiin, dánssain ja oktavuođain. Buorre go geavaheiddet iešguđet gielaid (sámegiela ja ruoŧagiela), dat leat gielat mat leat min lagašguovlluin. Mii leat hui duhtavaččat ahte bođiidet deike min lusa Veaikevárrái. Bures boahtin fas.”