Mii lea koloniseren? Sáhtán go mun goassege čilget dan? Got čilgen mun daid koloniserejuvvon jurddašanvugiid soapmásii gii ii leat vásihan sullasaš muitalusa? Mii lea dáhpáhuvvan? Mii ain dáhpáhuvvá?
Got galget iežát sáhttit ipmirdit man birra mii ságastit, maid mielddisbuktá leahkit mii? Manne kolonialiseren ain dáhpáhuvvá? Mot sáhttá kolonialiserejuvvon álbmot/našuvdna beassat eret iežas kolonialisttain?
CO2lonialNATION lea hutkojuvvon duohtavuohta- ja soabadankommišuvdna, mii guorahallá oktavuođaid gaskkal daid njeallje našunálastáhtaid Suoma, Ruoŧa, Norgga, Ruošša ja sápmelaččaid, ja sápmelaččaid gaskavuođaid. Duohtavuođa čilgehus ovtta máilmmi riggámus ja eanemus oadjebas guovllus.
CO2lonialNATION čilge botkejuvvon oktavuođain, cuovkanan ovddasvástádusas, billistuvvon soahpamušain, herbmostuvvan mielain, ja got dulbmojuvvon olmmoš duolbmu nuppiid, buolvvas bulvii. CO2lonialNATION gájanastá jienaid Sámis mat eai leat ovdal gullon, jienat mat leat oaidnemeahttumat mediagovain. CO2lonialNATION geavaha vugiid dokumentáralaš teáhteris ja jearrá eanet go vástida.
Bildgalleri
Bagadalli: Pauliina Feodoroff
Čállit: Pauliina Feodoroff, Niillas Holmberg, Simon Issát Marainen, Mio Negga, Sarakka Gaup ja Elina Israelsson
Neavttárat: Elina Israelsson, Mio Negga ja Sarakka Gaup
Musihkkaráhkadeaddji: Mio Negga
Latnjahábmen: Vihtori Rämä ja Ilkka Volanen
Biktasat: Laura Rämä
Eara dáiddárat: Anders Sunna, Stina Roos and Tero Mustonen
Márkanfievrredeapmi: Li Lindström
Buvttadeaddji: Susanne Karlsson
Teáhterhoavda: Åsa Simma
Vuosttaščájálmas: Guovvamánu 8 b. 2017
Čájehanáigi: Guovvamánu 8 b. gitta miessemánu 15 b. 2017
Guhkkuda: 90 min.
Ulbmiljoavku: Rávisolbmot, nuorat mat leat boarrásit go 14 jagi
Giella: Ollát julev- ja davvisámegillii. Jorgaluvvo ruoŧa- ja suomagillii
Samproduktion med:
Med ytterligare finansiering från:
