Dagbrott

Árgabeaivválaš ruvkkiid, áibbašeami ja hástaleaddji dovdduid birra! Gii dáppe galgá čorget? Leaikás drámá julki váimmuid, stuora áigumušaid ja cuovkanan nieguid birra. Giron Sámi Teáhter ovttasbarggus Riksteateriin.

Guopparmeahcis gávdnaba áhčči ja su nieida amas dievdoolbmo geas lea juolgi doddjon. Oalle fargga soai ipmirdeaba ahte dievdu ii leat dat geanin lohká iežas. Gievkkanis digaštallaba guimmešguovttis gii galgá mánáid fuolahit jus eadni álgá áktivisttan, ja muhtin stivralanjas ’brainstormejuvvo’ makkár nama bidjat easkaálggahuvvon ruvkefitnodahkii dan botta go dovddut hástalit gierragis.

”Mun lean heaitán vástideames go in dieđe gii lea. Dan berrešit don maid dahkat. De it dárbbahivčče diŋgot buot máilmmi vuosttáid ja lonuhit elrávdnjefitnodaga juohke nuppi mánu.”
”Opmodatjuohkin ja opmodatjuohkin. Moai riidaleimme juohke littala-gintalláse badjel guokte beaivvi, ja de leimme geargan.”
”Muhto aŋkke. Lásset iežas gitta sin bovrii. Dat ii oro nu… smáđáhkes.”

Ruvkegažaldat sisttisdoallá nu máŋga beali ruoŧa politihkas. Dás gávdno muitalus Ruoŧa birra, barggu, industriija, ruovttuguovllu, kolonialisma ja nohkatmeahttun viiddis guovlluid birra mat lállejit našunála trauma, nu dadjá Sara Giese, bagadalli.

Dramatihkar Anders Duus lea fas dahkan drámá mii lea árgabeaivvi lahka ja áibbašeami, moari ja ráhkisvuođa birra. Vuođđun muitalusas lea váttis ruvkegažaldat, oktan vuostálasvuođain mii lea gaskkal bargosajiid, luonddunuoskkideami ja sámi vuoigatvuođaid.
Rámiduvvon bagadalli Sara Giese lea maŋemustá beaggán Riksteateris čájálmasain 1984 mii jođii 2015 čavčča.

Dagbrott fállojuvvo Giron Sámi Teáhteris ovttasbarggus Riksteateriin.