Giron Sámi Teáhter

DEH!

Dráma gaskadássái. Duostat geassit rájiid, beassat badjel baluid, ja viimmat beassat šaddat danin sáŋggárin nu mot lei gehččojun.

Ellá lea ferten johttát eatniinis ja nu lea ferten molsut skuvlla, áhčči lea báhcán ealolusa.Dan ođđa skuvllas leat buot čáffabut ja Ellás lea váttis gávdnat vuogi mot dohkkehuvvot. Son ferte dahkat juoidáid boastut, hui boastut ja oamedovdu deaddá su.

Kimme áhčči lea álot váibbas ja oađđá olles beiviid.Kimme ferte sirdit ja su sávvamuš lea beassat áhku lusa orrut, muhto sosiala bearráigeahčči mearrida, son ferte orrut Kaisa ja Birgera luhtte ja sudno jallas pudela Prinsessá. Kimme giivvástuvva, áidna maid son sáhttá dahkat lea čiekčat ja huikit.
Goappeš mánát šaddaba dakkar “gaskohahkii”. Rio lei juo doppe. Rio lea earelágán.Dál sáhttá vaikko mii dáhpáhuvvat.

DEH! Čájeha mot duostat geassit rájiid ja man váttis lea eallit iežas miela mielde, soahtat iežas baluiguin ja deinna lágin viimmat beassat leahkit iežas sáŋggárin, čalmmustahttit iežas baluid ja eahpesihkkarisvuođa ja duostat leahkit dat gii lea ja liikot dasa. Ellá, Kim ja Rio, leat hui earelágánat, áidna mii sis lea oktasaš lea ahte sii leat mánát.

Sii deaivvadit gasku duohtavuođa ja fantasija gasku muittuid ja boahtteáiggi nieguid. Dan gaskkohagas, sáhttá vaikko mii dáhpáhuvvat, sihke buorre ja bahá ja sin deaivvadeapmi boahtá šaddat juoga man ii vajalduhtte.

Bildgalleri

Bagadalli: Johanna Huss
Giehtačálus: Johanna Huss ja neavttarat
Neavttárat: Anna Åsdell, Elina Israelsson ja Sarakka Gaup
Lávdi, biktasat ja makeup: Paulina Åhnberg
Musihkka: Magnus Larsson
Teknihkka ja snihkkár: Tor-Ulf Öhman
Čuovga: Kurt Hermansen
Video: Oskar Njajta Östergren
Giella bagadallit: Britt-Inger Sikku, Maidi Steinfjell Persson ja Åsa Simma
Báddejuvvon Áhkku: Sagka Stångberg
Buvttádeaddji: Catarina Lahti
Teahterhoavda: Åsa Simma
Giitu: Lars Hermansen, Norrbottensteatern ja Karin Vasara Hammare

Vuosttasčájálmas: Golggotmánu 8 beaivvi 2017
Johttin: golggotmánu 2017 – guovvamánu 2018

DEH! čájehuvvo máŋggá gillii ja guvttiin giella veršuvnnain; Sámegielaide: Davvi- julev -ja oarjángillii main oassi lea ruoŧagillii; Ruoŧagillii: main oassi lea davvi- julev- ja oarján sámegielaide

Aktene – Ovttas ovdaneamiin sámi kulturarbbiin ja gielain lea easka álggahuvvon prošeakta mii galgá bargat ja nannet sámi jearaldagaid.

Prošeakta lea interregprošeakta mii bistá geassemánu 30 b.rádjái 2020. Áigumuššan lea ráhkadit vuođu guhkit áigodahkii ovttasbarggu gaskal riikkarájiid Sijti Jarnge Hattfjelldalas ja ovttain sámi guovddažiin Deartnás.
Giron Sámi Theater oasálastá prošeavttas teaterworkshopaiguin, giellapedagogalaš bargguiguin, čájahusaiguin ja sagastalamiiguin.Prošeavtta vuostaš 8 mánutbaji lea mánaidčajahus DEH! čajehuvvon Deartnás sámi mánáide, gaskal 6 ja 11j. ja guokte beaivvi vel Gïella čirkuš. Boahtte gearddi čájehuvvo Árbbi maid ožžot ja vuostaš eahket boahtá leahkit Deartnás. Doarjja Europálaš regionalaguovllu ovddinahttinfoanda dagaha barggu vejolažžan.