Doala dolat heakkas

“Riegádin Rávdooaivis, duoddaris Ritniolbmá eatnamis. Go mu máddarat bohte, lei eanan guoros.”

Doala dolat heakkas váldá vuođu Áilo Gaupa divttain mat leat čohkkejuvvon dáin girjjiin: Under dobbel stjernehimmel, I Stallos natt, Joiken og kniven ja lassin girjjiin Sjamansonen ja Inn i naturen. Čájálmasas ságastit davvi- ja julevsámigiela, ruoŧagiela ja dárugiela.
Áilo Gaupa niehku ja dáhttu leai doalvut sámi kulturárbbi viidáseappot. Min čájálmas govvida su girjjálaš máilbmi. Guovddážis olbmo dárbu gávdnat ruohccasiid ja siskkit duohtavuođa. Olmmoš ja luondu gullo oktii ja niehkoáigi lea min sistte.

Áillu attáldat leai oaidnit čiegusvuođa árgabeaivvis ja árgabeaivvi čiegusvuođas.
Lean giitevaš go lean beassan su máilmmis fitnat.

Laura Jäntti, heiveheaddji ja bagadalli

Gávccilogu álggos, bisánii fiskes biila mu ruovtto olggobeallai. Vuoddji leai Áilo Gaup, son leai ohcame neavttára. Bivddii mu čuovvolit, ja mon vulgen. Boađus leai “Min Duoddarat” čájálmas, Beaivváš teáhtera vuosttaš bihttá. Ožžon eallenahkái ustiba, duvdaga ja ofelačča. Ovdal go mu ustit Áilo rohttii maŋemus vuoiŋŋaha, riegádii jurdda su girjjálašvuođa čalmmustahttit. Son čálii dárogilli, go su eallinvásáhus leai rivvon su eatnigiela.
Sámi miššuvdna doalvvui su lulás, son leai biebmománná amas olbmuid luhtte, garra gieđaid gáskás. Viimmat máhccái davás ja ruoktut. Ođđasit oahppat sámi kultuvra. Doaivvun su čállosat maid geasuhit du jurdagiid.

Åsa Simma, teáhterhoavda

Imagegallery